作為一個低等下人
既要斟茶遞水 亦需鋪床摺被 (幫自己姐...)
但絕不執tray在地
我明白客人食飽唔想比張枱好似斬首大刀咁行住個肚腩
又或者蘇蝦醒左需要擴張活動範圍
其實可以親自將個餐盤攞返黎空中廚房
如果分身不暇甚至乎可以善用你地最愛嘅叮叮
拿~ 唔好扮純情唔知撳邊個掣啊~
剛啱先叮完人出黎幫你開水樽蓋咋衰鬼~~
同你講安全
走廊已經窄 你放個盤係地下好容易搞到人地仆街
一陣人地鬧返你仆街就大家都唔好啦
你話 "我坐第一行放係自己個位前面之嘛~~~"
你唔好咁得戚 好多人試過唔記得左放左個影牢之罠係度跟住自己踩返
到時彈左你去屎塔度啟動埋個屈辱系陷阱我救你唔到架
同你講衛生
你將個用黎裝食物嘅盤放係個又嘔又屎又尿嘅地下度唔覺得核突架咩?
期間仲要不斷被你同隔離位嘅臭腳煙燻
你之後仲夠膽要杯齋啡加糖加奶
隻杯吸哂屍氣啦 隔住個盤都覺得臭...
同你講尊重
我比個餐你嘅時候會都盡量努力嘗試將個空虛的tray整理得冇咁樣衰咁放係你枱面 務求給你帶來一點慰寂
點解你食完之後就咁掉係地度要人收呢?
咁我下餐係迷直接放個盤係地下度比你啃食?
仲要開到聲叫你執返個tray比我都扮聽唔到
架車開架喇~ 我扯架喇~~ 我真係扯架喇~~~
你繼續同個tray相對亦忘言啦下
Search